Туркия Швециядан террорга қарши кураш мажбуриятларини бажаришини кутаётганини айтди
Анқара Стокгольмдан ўзи билан имзоланган меморандумда кўзда тутилган терроризмга қарши кураш бўйича барча мажбуриятларнинг қатъий бажарилишини кутади, деди Туркиянинг ҳукмрон Адолат ва тараққиёт партияси (АКП) раҳбари ўринбосари Нуман Куртулмуш.
У Стокгольмда Қуръоннинг оммавий ёқиб юборилиши билан содир бўлган ҳаракатга изоҳ берди.
“Биз Швециянинг НАТОга киришига қарши эмасмиз. Аммо, агар шундай давом этса, Туркия ҳеч қандай ҳолатда Швециянинг Шимолий Атлантика алянсига киришини маъқулламайди”, — деди Куртулмуш ТАСС агентлигига.
Аввалроқ Туркиядаги намойишчилар Стокгольмда Қуръон билан қилинган провокацияга жавобан мамлакатнинг Истанбулдаги Бош консуллигида Швеция байроғини ёқиб юборган эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
