Туркия қулай халқаро ва маҳаллий парвозлари билан ёзги саёҳатлар учун етакчи йўналишга айланмоқда
Ёзги таътилда ҳар бир дақиқа қадрли. Бугунги саёҳатчилар манзилга тез, қулай ва ортиқча оворагарчиликсиз етиб боришни тобора кўпроқ қадрламоқда. Чунки йўлда камроқ вақт сарфлаш таътилдан кўпроқ завқ олиш имконини беради.
Қулайлик ва тезкорлик саёҳат тажрибасининг муҳим мезонига айланаётган бир пайтда, манзилга етиб келиш жараёни ҳам алоҳида аҳамият касб этмоқда. Айниқса, ёзги мавсумда кўплаб йирик аэропортларда узун навбатлар одатий ҳолга айлангани бу масалани янада долзарб қилади.
Жаҳон саёҳат ва туризм кенгаши (WТТC)нинг буюртмаси асосида ўтказилган тадқиқотга кўра, янги Кириш/Чиқиш тизими (ЭEС) ва биометрик чегара текширувлари натижасида уч-тўрт соатлик кутиш ҳолатлари саёҳатчиларнинг учдан бир қисмини Шенген ҳудудига сафар қилишдан қайтариши мумкин.
Ана шундай вазиятда Туркия тез, қулай ва ортиқча оворагарчиликсиз етиб бориш мумкин бўлган йўналиш сифатида ажралиб туради. Дунёнинг йирик марказлари билан йўлга қўйилган кенг тўғридан-тўғри авиақатновлар тармоғи ва самарали чегара тартиблари меҳмонларга кутишга камроқ вақт сарфлаш, келган заҳотиёқ Туркиянинг бой ва ранг-баранг ёзги таътил имкониятларидан баҳраманд бўлиш имконини беради.
Тўғридан-тўғри парвоз ва навбатларсиз саёҳат
Халқаро саёҳатчилар учун Туркиянинг муҳим афзалликларидан бири — мамлакатнинг барча етти минтақасини қамраб олган кенг ва қулай аэропортлар тармоғидир. Замонавий инфратузилма, юқори сифатли хизмат ва туркларга хос самимий меҳмондўстлик уйғунлиги Туркия аэропортларида меҳмонларни илк қадамданоқ илиқ таассурот билан кутиб олади.
Мамлакатнинг йирик метрополиси Истанбулда икки аэропорт хизмат кўрсатади. Шу билан бирга, Туркиянинг бошқа машҳур йўналишларига ҳам етиб бориш осон. Эгей минтақасининг дурдоналари — Измир ва Муғла, Турк Ривиерасининг ёрқин манзили Анталия, шунингдек, тарихий пойтахт Анқарадаги замонавий аэропортларга тўғридан-тўғри учиш мумкин. Бу аэропортлар тезкор хизмат кўрсатиш тизими ва ички йўналишларга қулай уланиш имконияти билан ажралиб туради.
Каппадокиянинг бетакрор манзаралари, жумладан, машҳур “пери мўрилари”га ҳам яқина эропортлар орқали осон етиб бориш мумкин. Шу боис Туркиянинг сайёҳлик мас