Трасс: "Украина ғалаба қозонмагунча тинчланмаймиз"

Британиянинг янги бош вазири Лиз Трасс Нью-Йоркда БМТ Бош Ассамблеясида нутқ сўзлади. У Украина ҳақида гапириб, "Россия агрессиясига қарши туришда ёрдамни сусайтирмасликка" ваъда берди.

"Можаронинг ҳозирги муҳим палласида, биз Украинага зарур бўлган вақтгача ҳарбий ёрдамимизни давом эттиришимизга ёки кўпайтиришимизга ваъда бераман. Аввал айтганимдек, Буюк Британиядан Украинага янги қуроллар, жумладан, ракета тизимлари учун янги ракеталар юборилади. Биз Украина ғалаба қозонмагунча тинчланмаймиз”, деди Трасс.