Трампнинг Tik Tok ва WeChat дастурларидан фойдаланишни таъқиқловчи фармонлари бекор қилинди

Оқ уй AҚШнинг собиқ президенти Доналд Трампнинг Tik Tok ва WeChat дастурларидан фойдаланишни таъқиқловчи фармонлари бекор қилинганлигини эълон қилди.

Бундан ташқари, амалдаги президент Жо Байден маъмурияти "хорижий рақиблар" томонидан ишлаб чиқилган ва назорат қилинадиган, миллий хавфсизлик, ташқи сиёсат ва AҚШ иқтисодиётига таҳдид солиши мумкин бўлган дастурларни текширишни ният қилмоқда.

Доналд Трамп Тik Tokдан глобал тармоқнинг Aмерика қисмини сотишини талаб қилди ва ўтган йилнинг августида потенциал битимни 90 кунга қадар бажарилишини чеклайдиган фармон имзолади. Муддат бир неча бор узайтирилди ва Aмерика судлари аризани та]қиқлашни бир неча маротаба тўсиб қўйишди.