Трампнинг кенжа қизи миллиардерга турмушга чиқмоқда (ФОТО)
AҚШнинг амалдаги президенти Дональд Трампнинг кенжа қизи Тиффани унаштириш шарафига қимматбаҳо узук олди. Бу ҳақда Daily Mail хабар бермоқда.
Нигериялик 23 ёшли миллиардер Майкл Булос 27 ёшли Трампнинг қўлини суради. Қиз ўзининг инстаграмдаги саҳифасида бўлажак турмуш ўртоғи билан суратини жойлади.
Маълумотларга кўра, тадбиркор Трампнинг қизига Нью-йорклик заргар ва олмос етказиб берувчиси Самер Ҳалиме узугини совға қилган. Узук катта 13 каратли зумрад ва ён томонларида иккита олмос билан безатилган.
Газетанинг ёзишича, ушбу узук мутахассислар томонидан 1,2 миллион долларга баҳоланмоқда. Бироқ, унинг ҳақиқий қиймати ошкор қилинмади. аъкидланишича, Булос узукни сотиб олиш учун Дубайга борган.
Маълумки, Ҳалиме Опра Уинфри, Элтон Жон ва Наоми Кемпбелл каби кўплаб дунё юлдузлари билан ҳамкорлик қилган. Трампнинг кенжа қизи ҳам унинг маҳсулотларига мухлислик қилади.
