Трампнинг ғалабасини тахмин қилган эксперт бу галги сайлов қандай якунланишини башорат қилди
Вашингтон университети профессори Аллан Лихтман собиқ АҚШ вице-президенти, демократ Жо Байденнинг ноябрдаги АҚШда бўлиб ўтадиган президент сайловларида ғолиб бўлишини башорат қилди, дея хабар беради CNN.
1984 йилдан бери АҚШда бўлиб ўтадиган президентлик сайловлари натижаларини аниқ башорат қилган профессор 2016 йилда республикачи Дональд Трампнинг ғалабасини ва унинг импичмент процедурасидан ўтишини тахмин қилганлардан бири бўлганди.
Таъкидланишича, Лихтман прогноз қилиш учун ўзининг "13 асосий омиллар" тизимини ишлаб чиққан бўлиб, улар орасида мустақил номзоднинг сайлов пойгасида қатнашиши, иқтисодиётнинг узоқ муддатли ва қисқа муддатли кўрсаткичлари, эгаллаб олинган позициянинг устунлиги, шунингдек, оммавий тартибсизликлар, жанжаллар ва президентликка номзоднинг феъл-атвори ҳам бор.
Профессорнинг сўзларига кўра, Байден бу йил Трампнинг олтитасига қарши еттита шундай омилга эга.
Зеро, импичмент можароси, Конгресс Вакиллар палатасида республикачиларнинг кўпчилигининг йўқолиши, CОVID-19 пандемияси туфайли юзага келган иқтисодий инқироз ва кўплаб норозиликлар АҚШнинг амалдаги президентига қарши ўйнаши мумкин.
