Трампнинг фармонини бир тийинга олишмади

Трампнинг фармонини бир тийинга олишмади

АҚШ Ҳарбий-денгиз қўшинларининг Калифорния, Алабама ва Аризона штатларида жойлашган қаровсиз ҳарбий базаларда ўн минглаб мигрантлар учун тикланиши керак бўлган вақтинчалик турар жойлар тайёрланмоқда.

Бу ҳақда “Тime” журнали маълумот берган. Нашрда таъкидланищича, Алабама штатида 25 минг, Сан-Франциско ва Жанубий Калифорнияда эса 47 минг мигрант учун вақтинчалик турар жой, Аризонанинг Юма шахри яқинида эса денгиз пиёда қўшинларининг аэродомида турар жойлар тикланиши лозим эди.

Америка махфий хизмати ҳужжатларида кўрсатилишича, 2 300 та мигрант болалар апрель ойидан бери ота-оналаридан ажратилиб, қафасларда яшаб келишган, кўпчилик америкаликлар ва журналистларнинг тўс-тўполонлари натижаси ўлароқ АҚШ президенти Дональд Трамп уларга вақтинчалик чодирлардан бошпаналар тиклаш ҳақидаги қарорга июннинг 20-санасида имзо чекканди. Унинг берган ваъдасига кўра, болалар ота-оналаридан ажратилмаслиги лозим эди. Аммо фармон бўлишига қарамай, вазирлик ва Пентагон ҳарбий базаларда мигрант оилалар учун эмас, 20 мингта бола учун “қафас”лар тиктирмоқда.

Эслатиб ўтамиз, куни кеча қарор қай алфозда амалга оширилаётганининг гувоҳи бўлиш учун базаларга йўл олган АҚШ биринчи хоними Мелания Трамп у ерга орқасида “Менга фарқи йўқ, сизга-чи” деб ёзилган либос кийиб борганди.

 


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!