Трамп Украинадаги можаро 2029 йилгача тугашига умид билдирди

АҚШ президенти Дональд Трамп Украинадаги можаро унинг президентлик муддати якунлангунига қадар ҳал этилишига ишонишини билдирди.

Fox News телеканалига берган интервьюсида ундан Украинадаги уруш 2029 йил 20 январь — президентлик муддати тугайдиган санадан олдин якунланиши мумкинми, деб сўралган.

«Менимча, шундай», — дея жавоб берди Трамп.

Трампнинг президентлик муддати 2029 йил 20 январда якунланади. У Украинадаги можаро айнан қачон ва қандай шартлар асосида ҳал этилиши мумкинлиги ҳақида қўшимча тафсилот келтирмади.