Трамп Оқ уй мухбирлари билан анъанавий учрашувга учинчи марта келмади

Трамп Оқ уй мухбирлари билан анъанавий учрашувга учинчи марта келмади

АҚШ президенти Дональд Трамп 27 апрелда Оқ уй мухбирлари уюшмасининг ҳар йиллик кечки таом тановулига келмади.

Трамп бу тадбирни учинчи марта бойкот қилмоқда. Қабулда иштирок этишдан Трамп маъмуриятининг бир қатор вакиллари ҳам бош тортишган.

Трамп журналистлар билан суҳбатлашиш ўрнига Висконсин штатидаги сиёсий намойишда иштирок этишни маъқул кўрган. У ўз тарафдорлари олдидаги нутқида ОАВни халқ душманлари деб атаган.

Улар ёлғончилар. Биласизми, энг ёмони нима? Улар томонидан тузиладиган рейтинглар, чунки одамлар уларга ишонмайдилар , деб таъкидлаб ўтган Трамп.

Оқ уй мухбирлари уюшмасининг ушбу тадбирида иштирок этиш АҚШ президентлари учун мажбурий ҳисобланмайди, бироқ бу анъанага 1921 йилдан бери амал қилиб келинади.

Трампгача бу тадбирга бормаган охирги президент Рональд Рейган бўлган. Бироқ унда бунга узрли сабаб бўлган. 1981 йилда, тадбирдан бироз олдинроқ Рейганга суиқасд қилинган ва у ўқотар жароҳатдан тикланаётган бўлган.

Manba: oxo.uz


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!