Трамп АҚШда коронавирусга чалинганларнинг янада кўпайишига сабаб бўлиши мумкин!
Виржиния штати Соғлиқни сақлаш департаменти ходими AҚШ президенти Дональд Трампнинг жума кунига режалаштирилган сайловолди митинги ҳақида гапираркан, коронавирус тарқалиш хавфи ҳақида айтди.
Департаментнинг туман директори Наташа Двамена йиғилиш хонаси ижарачисига мактуб ёзиб, унда митингни "халқ саломатлигига жиддий таҳдид" деб атади, деб хабар беради AP. Шунингдек, у ушбу тадбир штат губернатори Ральф Нортам томонидан қўйилган 250 дан ортиқ одамни йиғишга тақиқни бузишини таъкидлади. Митингда тахминан 4 минг киши кутилмоқда.
Расмий иштирокчилар сонини камайтиришга ёки митингни бекор қилишга чақирди.
Aввалроқ Трампнинг сайловолди штаби сайловчилар билан учрашувларда зарур чоралар кўрилгани, жумладан, маскалар ва антисептиклар тарқатилиши ва иштирокчиларнинг ҳарорати текшириб чиқилиши айтилган эди.
