Трамп: "АҚШ ва Эрон ҳали ҳам келишувга эришиши мумкин"

АҚШ президенти Дональд Трамп кенг кўламли ҳарбий ҳаракатлар қайта бошланганига қарамай, Вашингтон ва Теҳрон ўртасида келишувга эришиш ҳали ҳам мумкин, деб ҳисоблайди.

Трамп бу баёнотни Оқ уйда журналистларнинг саволларига жавоб бериш чоғида айтиб ўтди.

"Ҳа, менимча, келишув мумкин. Албатта, мен шундай деб ўйлайман", деди у.

Трамп шунингдек, АҚШ Форс кўрфазидаги барча араб давлатларини ҳимоя қилаётганини ва Ҳормуз бўғозида юк ташишни таъминлаш учун компенсация кутаётганини таъкидлади.

"Мен компенсация олишни истайман, чунки биз дунёнинг жуда бой қисмини ҳимоя қилмоқдамиз. Биз пул сарфламоқдамиз. Биз бу ҳимоя учун ёрдам берадиган мамлакатлардан компенсация оламиз", деб таъкидлади Трамп.