Тошкентлик она нега деярли уч ойлик чақалоғининг ўлимида шифокорларни айбламоқда?

Тошкент шаҳри Сергели туманида истиқомат қилувчи Э.Х. вафот этган икки ярим ёшли ўғлининг ўлимида маҳаллий оилавий поликлиника шифокорларини айбдор деб ҳисобламоқда. Ва айни мана шу фикрида содиқ қолиб у Ўзбекистон Республикаси Бош прокуратурасига мурожаат қилган.

Оилавий поликлиника шифокори Э.Х.га фарзанди билан биргаликда оилавий поликлиникага келиши ҳамда чақалоқни эмлатиши кераклигини айтган.

Фуқаро Э.Х. эса ўз навбатида фарзандини ҳудудий оилавий поликлиникага олиб борган ҳамда у шифокорларга боласида гипоксия (кислород етишмаслиги) касаллиги борлиги, шу боис фақат полиомиелитга қарши эмлатишга розилигини билдирган.

Бу воқеа ҳақида энг биринчилардан бўлиб хабар берган «Даракчи» нашрига кўра, шифокор эса пневмококка қарши эмлатиш ҳам шартлиги, бу ҳеч қандай салбий реакция бермаслигини айтган. Бироқ эмлашдан кейин боланинг ҳарорати кўтарилиб, бош қисми кўкариб кетган.

«7news.uz»нинг бу воқеадан хабардор бўлган ишончли манбасининг айтшича, 3-шаҳар болалар шифохонаси ходимлари ҳам чақалоқ миясидаги шишни зудлик билан бартараф этмай, бир неча кунни ўтказиб юборишган. Оқибатда ҳаёт учун бир неча кун курашган чақалоқ вафот этган.

Э.Х.га кўра у Бош Прокуратурага мурожаат қилиб, ўз фарзандининг ўлимида касбига масъулият билан ёндошаган шифокорларга нисбатан қонуний чора кўрилиши ҳамда қолган чақалоқларнинг тақдири ҳам шунақа аянчли тугамаслиги учун бунинг олдини олиниши кералигини қўшимча қилган.