Тошкентда сотувчи дўкон эгасини катта пулга "ухлатиб кетди"
Бош прокуратура ҳузуридаги Департаментнинг Яшнобод туман бўлими томонидан тадбиркорлик субъектларининг ҳуқуқларини ҳимоя қилиш юзасидан ўтказилган терговга қадар текширувда тадбиркорнинг тиббий буюмлар сотувидан тушган маблағларни ўзлаштирган сотувчи аниқланди. Бу ҳақда Иқтисодий жиноятларга қарши курашиш департамент хабар берди.
Тезкор тадбирда “D.T.” МЧЖнинг савдо дўкони сотувчиси С.Х. тадбиркорнинг умумий баҳоси 73,2 млн сўмлик тиббий буюм ва анжомлари сотувидан тушган маблағларини ўзлаштириш йўли билан талон-торож қилганлиги аниқланган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
