Тошкентда “Korzinka.uz” автомашиналар турар жойидан “Ласетти” ўғирланди

Тошкент шаҳрининг Шайхонтоҳур туманида 18 октябрь куни тушган хабарга кўра, шу йил 17 октябрь куни номаълум шахс А.Хўжаев кўчасида жойлашган “Korzinka.uz” савдо маркази олдида жойлашган автомашиналар турар жойида қаровсиз қолдирилган Ш.С. бошқарувидаги “Ласетти” русумли автомашинасини ҳайдаб қочган.

Кўрилган чоралар натижасида ушбу жиноятни Наманган вилоятида яшовчи А.Х. содир этганлиги аниқланиб ушланган. Автомашина Яшнобод тумани Қурувчилар кўчаси олдида техник соз ҳолда топилган. Ҳолат юзасидан жиноят иши қўзғатилиб, тергов ҳаракатлари олиб борилмоқда.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси

Manba: asr.uz