Тошкентда бошпанасиз қолган бухоролик аёл ИИББга мурожаат қилди

Тошкентда бошпанасиз қолган бухоролик аёл ИИББга мурожаат қилди

Тошкент шаҳар ИИББга оғир шароитда бошпанасиз қолган аёл ёрдам сўраб мурожаат қилди.

Пойтахт ИИББ Ҳуқуқбузарликлар профилактикаси бошқармаси хотин-қизлар масалалари бўйича инспекторлар бу мурожаатни эътиборсиз қолдиришмади. Бухоролик 30 ёшли Салима (исм ўзгартирилган) билан Чилонзор тумани ИИО ФМБ хотин-қизлар масалалари бўйича инспекторлар боғланиб, уни ички ишлар бўлимига олиб келишди ва шахсини аниқлаб, қийинчиликлар сабаби ҳақида суриштиришди.

Салиманинг сўзларига кўра, ота-онаси ҳаётдан кўз юмгач уларнинг оиласи моддий қийинчиликка дуч келган. 2017 йили Салима пойтахтга ишлаш мақсадида келган. Дугонаси билан Чилонзор туманидаги хонадонда ижарада турган ва кафеда ҳамда қандолат ишлаб чиқариш корхонасида ишлаб юрган. Кейинчалик бир йигит билан танишиб, у билан бирга яшай бошлаган. Яқинда қиз фарзандли бўлган. Боланинг отаси эса унга моддий ёрдам беришдан ва гўдакнинг тарбияси билан шуғулланишдан бош тортган. Салиманинг ҳолатини ўрганиш мақсадида Бухоро вилояти ИИБга тегишли ҳужжатлар йўналтирилди, Салима ва унинг боласи эса Чилонзор туманидаги дугонасининг уйига вақтинчалик жойлашдилар. 


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!