Тошкентда 300 минг АҚШ долларини антиқа усулда четга олиб чиқмоқчи бўлган аёл ва унинг шериги қўлга олинди

Тошкентда 300 минг АҚШ долларини антиқа усулда четга олиб чиқмоқчи бўлган аёл ва унинг шериги қўлга олинди

Давлат божхона қўмитасининг "Тошкент-АЭРО” ихтисослаштирилган божхона комплекси тезкор тузилмалари ва “Тошкент халқаро аэропорти” чегара-божхона пости ходимлари 300 минг АҚШ долларидан ортиқроқ нақд хорижий валюталарни олиб чиқишга бўлган навбатдаги уринишни бартараф қилишди.

Шахсий кўрик давомида икки йўловчи (бири аёл) божхона ходимларининг кўзини шамғалат қилишга уриниб, нақд хорижий валюталарни багаждаги дафталар орасига, эгнидаги кийими чўнтакларига ҳамда белига яшириб олгани фош бўлди.

Фуқаролар бу пулларни бировнинг илтимосига кўра, 200 АҚШ доллари хизмат ҳақи эвазига олиб ўтиб бермоқчи бўлганини маълум қилишди.

Ҳозирда юқоридаги ҳолат юзасидан божхона органлари томонидан жиноят иши қўзғатилиб, терговга қадар текширув ҳаракатлари олиб борилмоқда.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!