Тошкентда 17 яшар қизга тажовуз қилган 50 ёшли эркакка жазо тайинланди (ВИДЕО)

Тошкентда 17 яшар қизга тажовуз қилган 50 ёшли эркакка жазо тайинланди (ВИДЕО)

Ижтимий тармоқларда кенг муҳокамага сабаб бўлган, вояга етмаган қизга нисбатан шилқимлик қилишга уринган шахсга оид маъмурий ҳуқуқбузарлик иши юзасидан баёнот берилди.

2022 йил 17 май куни ҳуқуқбузар Б. Ю. (1974 йил Тошкент вилоятида туғилган) алкоголли ичимлик таъсиридан маст ҳолда жамоат жойи ҳисобланган Тошкент шаҳар, Юнусобод тумани, 13-мавзе, “Аҳилобод” МФЙ ҳудудида вояга етмаган М. К. га нисбатан ҳақоратомуз шилқимлик қилиб, майда безорилик ҳуқуқбузарлигини содир этган. Шунингдек, воқеа жойига етиб келган ИИО ходимларининг қонуний талабини бажаришдан бош тортган.

Ҳуқуқбузарга оид маъмурий иш ҳужжатлари Тошкент шаҳар жиноят ишлари бўйича Юнусобод туман судининг иш юритувига 2022 йил 23 май куни келиб тушган. Шу куни мазмунан кўрилиб, Б. Ю. га Маъмурий жавобгарлик тўғриисдаги Кодекснинг 183-моддаси (майда безорилик) ва 194-моддаси 1-қисми (ички ишлар органлари ходимининг қонуний талабларини бажармаслик) билан ушбу Кодекснинг 34-моддаси тартибида 10 сутка маъмурий қамоқ жазоси тайинланди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!