Тошкент вилоятида бир-бирига қўшни бўлган уйларда ёнғин содир бўлди
Бугун, 27 сентябрь куни соат 08:47да Тошкент вилояти Тошкент тумани ФВ бўлимига Тошкент тумани “Файзобод” МФЙ М.Улуғбек кўчасидаги 8-уй ҳамда унга қўшни бўлган М.Юсуф кўчасидаги 75-уйда ёнғин содир бўлаётганлиги тўғрисида хабар келиб тушган.
Хабарга асосан, 4 та ёнғин-қутқарув экипажи воқеа жойига соат 08:50 да етиб бориб, соат 08:55да ёнғин ўраб олинган ва соат 09:30 да тўлиқ бартараф этилган.
Ёнғин оқибатида М.Улуғбек кўчасида жойлашган 8-уйнинг 60 кв.м майдони, М.Юсуф кўчасидаги 75-уйнинг 60 кв.м майдони ёниб зараланган.
Кўрилган тезкор ҳаракатлар натижасида М.Улуғбек кўчасидаги 8-уйнинг 200 кв.м майдони, М.Юсуф кўчасидаги 75-уйнинг 100 кв.м майдони ёнғиндан сақлаб қолинган.
Ҳодиса оқибатида жабрланган ва ҳалок бўлганлар йўқ.
Ҳозирда ёнғин сабаби ва моддий зарар миқдори аниқланмоқда.