Тошкент метросида навбатдаги "триллер": вагон эшиги ёпилмай қолди (видео)

Тошкент метрополитенининг Чилонзор йўналишидаги Пушкин ва Буюк ипак йўли бекатлари оралиғида вагоннинг эшиги ёпилмаган. Шунга қарамай, йўловчиларнинг ҳаётини хавф остига қўйган ҳолда метро ўз ҳаракатни давом эттирган. Бу ҳақда ҳуқуқшунос ва блогер Хушнуд Худойбердиев ёзмоқда.

Бунақа даҳшатни фақат триллер киноларда кўриш мумкин эди, аммо ўз ишига масъулиятсиз инсонларнинг касрига, минг афсуски, бизда бунақа ҳолатлар кундалик воқеага айланиб қолаётгандек. 

8 апрель куни Сергели йўналишида контакт рельсининг кронштейнлари чиқиб кетган, вагонлардаги йўловчилар эса эвакуация қилинганди.

18 март куни эса «Олмазор» ва «Сирғали» метро йўналишининг «Бекат-1» бекатлари оралиғида иккита вагон тўқнашиб кетганди.