Тоқаевнинг инаугурацияси санаси эълон қилинди

Тоқаевнинг инаугурацияси санаси эълон қилинди

Аввал хабар қилинганидек, Қозоғистондаги навбатдан ташқари президентлик сайловларида Қосим-Жўмарт Тоқаев ғалаба қозонди. Бугун МСКда бўлиб ўтган брифингда янги сайланган президентнинг инаугурацияси келаётган шанба – 26 ноябрь куни бўлиб ўтиши эълон қилинди.

Марказий сайлов комиссиясининг расмий маълумотларига кўра, Қосим-Жўмарт Тоқаев 81,31 фоиз овоз билан ғалаба қозонган. “Қозоғистон Республикаси Президенти тўғрисида”ги Конституциявий қонуннинг 3-моддасига мувофиқ, Қозоғистон Республикаси Президенти халққа қуйидаги қасамёд қабул қилинган пайтдан бошлаб ўз лавозимига киришади:

“Қозоғистон халқига садоқат билан хизмат қилишга, Қозоғистон Республикаси Конституцияси ва қонунларига қатъий риоя қилишга, фуқароларнинг ҳуқуқ ва эркинликларини кафолатлашга, Қозоғистон Республикаси Президенти сифатида ўзимга юкланган юксак бурчларини виждонан бажаришга тантанали равишда қасамёд қиламан”.

Қасамёд матни Президент томонидан давлат тилида талаффуз қилинади. Илгари Қозоғистон Президенти 5 йилга сайланган ва биринчи муддат тугаганидан кейин қайта сайланиши мумкин эди. Энди мамлакатда бир марталик етти йиллик президентлик муддати мавжуд


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!