Тоқаев: "162 киши Қозоғистоннинг ярим бойлигига эгалик қилади. Оддий халқ оғир аҳволда. Вазиятни тезда ўзгартириш керак"

Қозоғистон президенти Қосим-Жомарт Тоқаев бизнес вакиллари билан учрашувда аҳолининг ярмининг даромади 50 минг тенгедан (тахминан 1,4 минг доллар) ошмаслигини, вазиятни зудлик билан ўзгартириш кераклигини айтди, деб ёзади Tengrinews.kz.

Тоқаевнинг таъкидлашича, 2020 йилда миллий даромад таркибида энг юқори улуш бизнес фойдасига тўғри келади – 61,5 фоиз. Солиқ улуши 7,3%, қозоғистонликларнинг маоши эса учдан биридан камроқни ташкил қилади.

«Бу жуда кам. Мисол учун, Россияда иқтисодиётнинг ўхшаш тузилишига қарамай, иш ҳақи 46,7% ни ташкил қилади, яъни мамлакатимиздагидан 1,5 баравар кўп. Миллий даромадни тақсимлашда яққол номутаносиблик ва очиқ-ойдин адолат муаммоси мавжуд.

Халқаро экспертларнинг таъкидлашича, фақат 162 киши давлатнинг ярмига (мамлакат) эгалик қилади, аҳолининг ярми эса 50 минг тенгедан ошмайдиган даромадга эга. Бундай пулга яшаб бўлмайди, вазиятни зудлик билан ўзгартириш керак», — деди Президент.

Бундан ташқари, Тоқаевга кўра, бойлар ва камбағаллар ўртасидаги тафовут қабул қилиб бўлмайдиган даражага етган. Унинг таъкидлашича, чекланган элита гуруҳлари мамлакат иқтисодий ўсишидан фойда кўра бошлаган, кўпчиликнинг даромадлари эса пасайган ёки турғунлашган.