Томда қолиб кетган тўтиқуш уни қутқаришга келган ўт ўчирувчиларни сўкди

Томда қолиб кетган тўтиқуш уни қутқаришга келган ўт ўчирувчиларни сўкди

Буюк Британия пойтахти Лондонда узоқ вақт давомида уйнинг томидан туша олмаган Жесси лақабли урғочи тўтиқуш ёрдамга келган ўт ўчирувчиларни сўкди. Қутқарувчилардан бири нарвондан қушнинг олдига чиққан ва «Мен сени яхши кўраман», — деб айтган. Қутқарувчига шу тариқа қушнинг турган жойида ушлаб олиш мумкинлиги тушунтирилган эди. Жесси: «Мен ҳам сени яхши кўраман», — деб жавоб берган ва қутқарувчини сўккан, деб ёзмоқда Meduza.

Жесси ўз уйидан уч кун аввал қочиб кетган ва қўшни уйнинг томига чиқиб олган. Унинг хўжайинлари ва Ҳайвонлар билан шафқатсиз муносабатларнинг олдини олиш бўйича қироллик жамияти вакиллари қушни пастга тушишга кўндира олмаган. Қуш жароҳатланган бўлиши мумкинлигидан хавфсираб, ўт ўчирувчилар чақирилган.

 

Аниқ бўлишича, қиш жароҳатланмаган. Жесси ўт ўчирувчилар кўз ўнгида бошқа томга, кейин эса дарахтга учиб ўтган. Кейинроқ у хўжайинлариникига қайтган. Уйга қайтганидан кейин олинган видеода қуш камтарлик билан қутқарувчиларни яхши кўришини тан олган.

Manba: daryo.uz


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!