"Толибон" томонида жанг қилган ўзбек қўмондони ва юзлаб ўзбеклар ҳибсга олинди
"Толибон" обрўли маҳаллий қўмондонни ҳибсга олганидан кейин Фарёб аҳолиси кўчага чиқди.
Вилоятнинг собиқ губернатори Накибулла Фаиқнинг маълум қилишича, кеча Мозори Шарифда "Толибон" мудофаа вазири ўринбосари, афғон ўзбеклари жамиятининг кўзга кўринган вакили Махдум Алам ҳибсга олинган. Фаиқнинг сўзларига кўра, Алам «Толибоннинг Фарёбдаги биринчи одами» бўлган ва Фарёб, Сари Пул ва Жузжон вилоятларида жангарилар операцияларига қўмондонлик қилган – унинг номи "Толибон" ҳаракатининг минтақадаги муваффақияти билан боғлиқ. Ҳозир унинг ўзи ва "Толибон" тарафида жанг қилган юзлаб ўзбеклар толиблар томонидан панжара ортига ташланган.
Буни Аамаж Неwс манбалари тасдиқлади. Энди Фарёб вилояти маркази Мейменда ҳарбий ҳолат жорий этилди - Махдум Алам тарафдорлари кўчага чиқди. Барча дўконлар ёпиқ. Намойишчилар лагерь ташкил қилишди - улар Алам озод қилинмагунча тарқалишмоқчи эмас. Пуштун жангариларининг қурол-яроғидан маҳрум қилингани ҳақида хабарлар бор.
