Толибон Тожикистон ва Ўзбекистондан электр энергияси учун 100 миллион доллар қарздор

Толибон Тожикистон ва Ўзбекистондан электр энергияси учун 100 миллион доллар қарздор

Толибоннинг Сув ва энергетика вазирлиги матбуот котиби Аҳмад Муҳаммад Нусратга кўра, Афғонистоннинг DABS энергетика компаниясига қарзларни тўлашда Ўзбекистон ва Тожикистон банкларидаги маблағ ўтказиш билан боғлиқ айрим муаммолар тўсқинлик қилмоқда. Афғонистон томонининг хоҳиши ва ниятига қарамай, ҳозирча тўловни амалга оширишнинг имкони йўқ.

DABS вакили Омонулла Ғолиб кредитор мамлакатлар банклари билан боғлиқ муаммолар Украина можароси сабабли юзага келганини таъкидлади. Унинг сўзларига кўра, Афғонистон Марказий Осиё давлатларида электр энергиясини харид қилиш учун йилига қарийб 300 миллион доллар сарфлайди, шундан 108 миллион доллари Ўзбекистон ҳисобига тўғри келади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!