Толибон Макроннинг таклифини рад этди
«Толибон» ҳаракати Франция президенти Эммануэл Макроннинг Афғонистон пойтахти Кобулда гуманитар операциялар ўтказиш учун хавфсиз зона ташкил этиш ҳақидаги таклифини рад этди.
France Inter радиосининг хабарига кўра, бу ҳақда “Толибон”нинг Қатардаги сиёсий офиси вакили Суҳаил Шоҳин маълум қилган. “Бунга зарурат йўқ. Афғонистон – мустақил давлат. Худди шунақа зонани Франция ёки Британияда ташкил этишимиз мумкинми?” – деди у.
Шунингдек, “Толибон” вакили 31 августдан кейин ҳар бир афғонистонлик хорижга чиқиши мумкинлигини айтди, бунинг учун тегишли ҳужжатлар бўлиши зарур: паспорт ва виза. Суҳаил Шоҳин гўёки “Толибон” мухолифларнинг қора рўйхатини тузгани ҳақидаги хабарлар ҳақиқатга тўғри келмаслигини таъкидлади: “Бизда ҳеч қандай қора рўйхат йўқ. Биз хорижий кучлар ёки Кобулдаги маъмурият билан ишлаганларга умумий амнистия эълон қилганмиз”.
Эслатиб ўтамиз, Франция президенти Эмманюэл Макрон Le Journal du Dimanche газетасига берган интервьюсида Кобулда хавфсизлик зонасининг ташкил этилиши халқаро ҳамжамиятга “Толибон” ҳаракатига босимни сақлаш қолишига имкон беришини айтган эди.
У
