“Толибон” Байденга шарт қўйди

“Толибон” Байденга шарт қўйди

“Толибон” ҳаракати АҚШнинг янги президенти Жо Байден келгуси йилнинг майигача америкалик аскарларни Афғонистондан олиб чиқиб кетмаса, хорижлик ҳарбийларга қарши ҳужумлар қайтадан бошлашини мумкинлигини маълум қилди. 

Ҳаракатнинг Би-би-сига интервью берган юқори мартабали вакилларидан бири Афғонистонда майгача бирорта ҳам чет эллик аскар қолмаслиги кераклиги таъкидлаган. Толиблар хорижий қўшинларни “ишғолчи кучлар” дея таърифлайди. 

Жо Байден сайловолди кампанияси чоғида америкалик аскарларни Афғонистондан олиб чиқишни исташини, бироқ уларнинг бир қисми “террорчиликка қарши курашиш учун” у ерда қолиши зарурлигини айтган эди. 

Жорий йилнинг февралида “Толибон” ва АҚШ ўртасида битим имзоланди. Унга кўра, 12 минг америкалик аскар Афғонистонни босқичма-босқич тарк этиши зарур. Толиблар эса Афғонистоннинг террорчи гуруҳлар учун бошпанага айланмаслигига кафолат берган. 


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!