Токио-2020: енгил атлетикачимиз Суҳроб Ходжаев ўз иштирокини якунлади

Токио-2020: енгил атлетикачимиз Суҳроб Ходжаев ўз иштирокини якунлади

Япониянинг Токио шаҳри мезбонлик қилаётган XXXII ёзги Олимпия ўйинларининг бугунги дастурида атиги икки нафар спортчимиз баҳсларда иштирок этиши белгиланган эди, дея хабар қилмоқда Туризм ва спорт вазирлиги Матбуот хизмати.

Хабарга кўра, ҳозиргина бугунги мусобақаларни бошлаб берган спортчимиз ўз иштирокини якунлади. Енгил атлетиканинг босқон улоқтириш баҳсларида қатнашган атлетимиз Суҳроб Ходжаев учинчи уринишидан кейин 71.26 метр натижани қайд этди.

Бироқ, бу натижа унга кейинги босқичга чиқиш учун камлик қилди. Босқон улоқтириш баҳсларида финал босқичига чиқиш учун иштирокчи камида 77.50 метр натижа қайд этиши талаб этилар эди. Шу тариқа яна бир спортчимиз учун Олимпиада баҳслари тугади.

Энди юнон-рум кураши бўйича эркаклар ўртасида -77 кг вазн тоифасида иштирок этадиган ҳамюртимиз Жалгасбай Бердимуратовга мухлислик қиламиз. Унинг иштироки Тошкент вақти билан соат 07:58да бошланади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!