Тожикистон ҳам "Мир" карталарини қабул қилишни тўхтатди

Тожикистон ҳам "Мир" карталарини қабул қилишни тўхтатди

Карта эгалари сони бўйича Тожикистоннинг энг йирик банкларидан бири бўлган Dushanbe City Bank'и мамлакатдаги банкоматлар ва ПОС-терминалларда "Мир" карталарини қабул қилишни тўхтатганини маълум қилди. Бу ҳақда РИА Новости хабар бермоқда.

Банк бунга Россия тўлов тизимидаги техник муаммолар сабаб бўлганини таъкидлади. "Мир" билан муаммолар 24 сентябрь куни пайдо бўлди. Dushanbe City Bank'идан ташқари, мамлакатдаги Россия тўлов тизимининг карталарига давлатга тегишли "Амонатбанк" ҳам хизмат кўрсатади.

Олдинроқ, бошқа давлатлар ҳам "Мир" карталарига хизмат кўрсатишни тўхтатдилар. Улар орасида 23 сентябрдан бошлаб карталарни қабул қилиш тўхтатилган Ўзбекистон ҳам бор. Бундан ташқари, Ветнам, Арманистон ва Туркиядаги айрим банклар аллақачон Россия тўлов тизимига хизмат кўрсатишдан бош тортган. Қозоғистон банклари ҳам "Мир" карталарини қабул қилишдан бош тортиши мумкин, дейилади тегишли баёнотда.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!