"Time" журнали илк бор "Йил боласи" номинациясини эълон қилди
"Time" журнали 15 ёшли юқори технологиялар тадқиқотчиси Гатанжали Раони "Йил боласи" деб эълон қилди.
Журнал Раони Nickelodeon телеканали билан ҳамкорликда АҚШдаги 8 ёшдан 16 ёшгача бўлган 5000 нафар болалар орасидан танлаб олди.
Махсус тузилган комиссия бу йил бешта финалчини танлаб олди. Ушбу болалар "инқирозга учраганлар учун озиқ-овқат кўтаришди, ногирон болалар учун ўйинчоқлар ишлаб чиқаришди ва ирқий адолат тўғрисида гапира бошлашди”.
Бироқ Рао эришган ютуқлар барчада энг катта таассурот қолдирди: "Рао нафақат илмий воситаларни - масалан, сунъий интеллект ва углерод нанотубаларини сезиш технологиялари билан шуғулланади - балки уларни кундалик ҳаётдаги муаммоларни ҳал қилишда фойдаланади, масалан, Интернетдаги безорилик ва сувнинг ифлосланиши"
Беш финалчининг ҳар бирига пул мукофоти берилади.