Техасда юз берган отишма натижасида икки полициячи вафот этди

Техасда юз берган отишма натижасида икки полициячи вафот этди

АҚШнинг Мак-Аллен шаҳрида (Техас) юз берган отишмада камида икки полиция ходими ҳалок бўлди.

Бу ҳақда “Associated Press” шаҳар полиция бошқармаси бошлиғи Виктор Родригесга таяниб хабар бермоқда.

Маълум қилинишича, яшовчилар томонидан қилинган қўнғироқдан сўнг шанба куни тушдан кейин кўп қаватли бинолардан бирига етиб келган полицияга қарата номаълум шахс томонидан ўт очилган.

Воқеа натижасида жароҳат олган икки полициячи эса касалхоналардан бирига етказилган, аммо шифокорларнинг барча урунишларига қарамай, вафот этишган.

“ABC” хабарига кўра, жиноятчи воқеа жойига бошқа полиция бўлинмаси келганида ўз жонига қасд қилган.

"Биз шаҳаримиз хавфсизлигини таъминлашга интилган икки жасур ҳуқуқ-тартибот ходимини йўқотдик", дея таъкидлаган полиция бошлиғи.

Ҳозирча жиноятчи кимлиги маълум қилинмаган. Тергов давом этмоқда.

 

 


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!