Террорчиларга қарши операция: француз аскари ҳалок бўлди, тўққиз аскар яраланган

Елисей саройи расмий твиттер саҳифасининг якшанба куни берган хабарига кўра, «Бархан» операциясида қатнашган француз аскари Александр Мартин Малида базага миномёт ҳужуми натижасида ҳалок бўлди.

Associated Press агентлигининг маълум қилишича, яна тўққиз нафар аскар яраланган. Ҳужумдан сўнг ҳужумчиларнинг позицияларига зарба бериш учун вертолётлар ҳавога кўтарилди.

Террорчи гуруҳларга қарши «Бархан» операцияси 2013-2014 йилларда Малидаги «Сервал» операциясининг давоми эди. У яна тўртта штатга кенгайтирилди: Мавритания, Буркина-Фасо, Нигер ва Чад.