Тереза Мэй АҚШ билан «алоҳида муносабатлар» ҳақида гапирди

Буюк Британия ва АҚШ ўртасидаги қалин ҳамкорлик муносабатлари шуни англатадики, ҳар икки давлат маълум бир муаммолар бўйича ягона позицияга эга эмас, аммо ҳамон ечимни қидирмоқда. Бу ҳақда Буюк Британия бош вазири Тереза Мэй CNBC’га берган интервьюсида айтиб ўтди.

Унинг сўзларига кўра, Мэй АҚШ президенти Дональд Трампнинг позициясига қўшилмайдиган қатор масалалар бор, аммо бу «алоҳида муносабатларни» ўзгартирмайди. Мэй буни келажакда ҳам давом эттириш истагида.

«Биз пўлат ва алюминийга тарифлардан норозимиз, улар Европа иттифоқи, шу жумладан, Буюк Британияга нисбатан жорий этилди. Биз Эрон ядровий битими бўйича бошқа фикрдамиз», - дея маълум қилган Мэй.

Бироқ, Мэй АҚШ билан муносабатлардаги «соғлом» белгиларга ишора қилган. Хусусан, унинг таъкидлашича, Қўшма Штатлардан Буюк Британияда Скрипаллар оиласига уюштирилган ҳужумдан сўнг россиялик дипломатлар чиқариб юборилгани учун миннатдордир. Шунингдек, у Сингапурда АҚШ президенти Дональд Трамп ва КХДР етакчиси Ким Чен Ин саммити ўтказилгани муҳимлигини қайд этди.

Manba: kun.uz