Таъзия! Дипломат Мирсобит Очилов оламдан ўтди

Таъзия! Дипломат Мирсобит Очилов оламдан ўтди

Инвестициялар ва ташқи савдо вазирлиги Япония билан ҳамкорлик ишлари бўйича вазир маслаҳатчиси Мирсобит Очиловнинг бевақт оламдан ўтгани ҳақида хабар берди.

Илгари Япониядаги элчихона раҳбари, «Чиқаётган Қуёш, Олтин ва Кумуш Юлдуз» император ордени соҳиби Мирсобит Очилов 2 июлда вафот этган.

Мирсобит Очилов 1999 йил Олий Мажлис II чақириғида депутат этиб сайланган.

«Устоз шонли ҳаёт кечирдилар. 1999 йилда парламент сайловларида танланган, Ўзбекистон Республикаси II чақириқ Олий Мажлисининг депутати, профессор, иқтисод фанлари доктори, Банк-молия академиясининг биринчи ректори, 1-даражали Фавқулодда ва Мухтор элчиси, 2001−2009 йилларда Ўзбекистон Республикасининг Япониядаги элчиси, Мирсобит Фозилович барча жабҳаларда ўрнак бўлганлар», — деб ёзади Инвестициялар ва ташқи савдо вазирлиги матбуот хизмати.

Вазирлик жамоаси марҳумнинг оиласи ва яқинларига чуқур ҳамдардлик билдиришди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!