Ташқи ишлар вазирининг самолёти яна бузилиб қолди

Ташқи ишлар вазирининг самолёти яна бузилиб қолди

Германия ташқи ишлар вазири Хайко Маас Москвага учиши керак бўлган ҳукумат самолёти “Airbus A340” бузилиб қолди. Шундан кейин, Маас россиялик ҳамкасби Сергей Лавров билан учрашувга “A310” русумидаги захира самолётида учган.

Маълум қилинишича, лайнернинг гидравликасида муаммолар аниқланган. Вазир ушланиб қолмаслик учун делегацияси билан ҳарбийларни ташиш учун қўлланувчи самолётда учиб кетган. 

Германия ҳукумати самолётлари билан техник носозликлар охирги вақтда тез-тез учрамоқда. Мааснинг ўзи охирги ярим йил ичида 5 марта самолётини алмаштиришига тўғри келган. Қизиғи, бундай воқеа бундан бир ҳафта аввал юз берганди. Яъни Мааснинг Нью-Йоркка парвози вақтида бирданига иккита лайнерда носозлик аниқланган. Натижада Германия ташқи ишлар вазирининг сафари бекор қилинганди.

 


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!