Таниқли хонанданинг уйига ўғри тушди
ОАВда таниқли хонанда Маҳсун Қирмизигулнинг Истанбулдаги уйига ўғирликка тушиб, у ердан 275 минг долларлик буюмларни олиб чиқиб кетиш гумони билан мигрантларнинг ушлангани тўғрисида тарқатилган хабар катта шов-шувларга сабаб бўлди.
Туркиянинг “NTV” телеканали тарқатган хабарга кўра, жиноят 5 ноябрь куни маълум бўлди. Ўша куни Маҳсун Қирмизигулнинг онаси – 85 ёшли Файка Ариқ полицияга мурожаат қилиб, уйга ўғирликка тушишда 41 ёшли муҳожири Миессер М.дан гумон қилаётганини айтган. Муҳожир бир ҳафта аввал уй ходимаси сифатида ишлаб кетган эди.
Полиция ходимлари Истанбулнинг Кючюкчекмедже туманида жойлашган Миессер яшаган уйда тинтув ўтказди ва 50 минг доллар нақд пул ва 12 та олтин занжирни топди.
“Гумондорлар Туркияда қонунга хилоф равишда бўлиб турган. Шу сабабли улар Истанбулдаги Отатурк аэропортидан учиб кетишларига кўзлари етмаслигини билгач, Анқара томон йўл олишган ва 20 минг доллар нақд пул ҳамда 300 грамм олтин билан қўлга тушган“, дейди полиция ходими.
Полициянинг хабар беришича, эри билан Истанбулга олиб келинган Миессер Маҳсун Қирмизгулнинг уйидан 275 минг долларлик буюмларни, жумладан 130 минг доллар ва 5 минг евро нақд пул, шунингдек 45 дона қимматбаҳо заргарлик буюмларни ўғирлаган.
“Hürriýet” газетасининг хабарига кўра, сўроқ вақтида ўғирликда гумон қилинаётган эр-хотинлар ўзларининг ёнидан чиққан буюмларни ўғирлаганликларини тан олган.
Manba: ЎзА
