Яна бир муборак каломда “Никоҳ билан кўпайишинглар, зеро барака никоҳдадир” дейиш билан ҳам Пайғамбар алайҳиссалом умматларини оила қуришга даъват этганлар.

Журналистлар таъбирича, оддий, сийқаси чиққан мавзуларни “чайнаш” кишининг ғашини келтиради. Бинобарин, шунга алоқадор жиҳатлар кўнглингизнинг бир четини “тебратса”, беихтиёр қўлингизга қалам оласиз. Бугун “оммавий маданият” тўғрисида кўп гапирилмоқда, матбуот саҳифаларида кетма-кет мақолалар чоп этиляпти, телевидениеда кўрсатувлар намойиш қилинмоқда. Оммавий маданиятнинг онг-у шууримизга салбий таъсири бисёрлиги, “гўзаллик” ниқобига ўрангани хусусида ранг-баранг мулоҳазалар билдириляпти. Бундан ёшлар хабардорми? Минг таассуфки, жамиятимизда бу иллатнинг турли кўринишлари илдиз отган: бодиарт, пирсинг, татуаж… ва ҳоказо. Яқинда яна бир янгича маданиятни учратдим. Тафсилотга ўтишдан олдин бироз ортга чекинамиз.