Светафорнинг тақиқловчи (қизил) чироғига буйсунмасдан ҳаракатланган автобус ҳайдовчиси қонуний чора кўрилди

Ижтимоий тармоқларда давлат рақам белгиси 01 630 WCA бўлган “Mercedes-Benz” русумли автобус ҳайдовчиси ҳаракат давомида светафорнинг тақиқловчи (қизил) чироғига буйсунмасдан ҳаракатланганлиги акс этган видеолавҳа тарқалган. Ушбу ҳолат юзасидан Тошкент шаҳар ИИББ ЙҲХБ ходимлари томонидан ҳайдовчи 1975 йилда туғилган Ш.П.га нисбатан Ўзбекистон Республикаси Маъмурий жавобгарлик тўғрисидаги кодекснинг 128 прим 4 моддаси 2 қисми билан маъмурий баённома расмийлаштирилиб, автобус йўловчиларининг ҳаётини хавф остига қуйганлиги юзасидан ҳайдовчи билан профилактик суҳбат олиб борилди.