Суюлтирилган газ экспорти буткул тақиқланади

Суюлтирилган газ экспорти буткул тақиқланади

Ўзбекистонда юзага келган мураккаб вазият оқибатларини юмшатиш учун суюлтирилган газ экспорти буткул тақиқланади, 2023 йил 1 мартга қадар давлат идоралари тасарруфидаги сиқилган газда ҳаракатланадиган автомобиллардан фойдаланиш тақиқланди, улар бензинга ўтказилади.

Президент администрацияси раҳбари Сардор Умрзоқов бошчилигида қишни беталафот ўтказиш, энергетика тизимидаги камчиликларни бартараф этиш бўйича видеоселектор йиғилиши бўлиб ўтди.

Унда Ўзбекистонда юзага келган мураккаб вазият оқибатларини юмшатиш учун қуйидаги қўшимча чоралар кўрилиши билдирилди:

  • барча ишлаб чиқарувчилар ва трейдерларга суюлтирилган газни экспорт қилишни тақиқлаш;
  • табиий газ етказиб бериш имконияти мавжуд бўлмаган ҳолларда аҳолига суюлтирилган газ етказиб беришга рухсат этиш;
  • Сув хўжалиги вазирлиги тизимидаги насос станцияларига электр энергияси етказиб беришга ўрнатилган вақтинча чекловларни йил якунига қадар узайтириш;
  • бензин ва дизел ёқилғиси ишлаб чиқариш учун хомашё ҳамда тайёр бензин импортини ошириш;
  • биржада АИ-80 бензини савдосига воситачи компанияларнинг иштирок этишига йўл қўймаслик;
  • 2023 йил 1 мартга қадар давлат идоралари тасарруфидаги сиқилган газда ҳаракатланадиган автомобиллардан фойдаланиш тақиқланди, улар бензинга ўтказилади;
  • 2 ой муддатга АИ-80 бензини импорти учун акциз солиғи ва уни чакана сотиш учун акциз солиғини ҳисоблаш ва ундириш тўхтатиб турилади;
  • Биржа сотувларига қўйилаётган АИ-80 бензинининг кунлик ҳажми оширилади.

Бундан олдин ҳудудларга қўшимча табиий ва суюлтирилган газ, электр энергияси ва кўмир етказиб бериш масаласи муҳокама қилинганди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!