Столтенберг Швеция ва Финляндияни ҳамкорликни кенгайтиришга чақирди

Столтенберг Швеция ва Финляндияни ҳамкорликни кенгайтиришга чақирди

Швеция ва Финляндия терроризмга қарши кураш бўйича қонунчилик базасини кучайтириши, терроризм ва Курдистон ишчи партияси каби террор ташкилотларига қарши курашда НАТО, жумладан Туркия билан ҳамкорликни кенгайтириши керак. Бу ҳақда Шимолий Альянс Бош котиби “SVT” телеканалига интервьюсида айтиб ўтди.

“Антитеррор қонунчилигини кучайтириш, терроризмга қарши курашда ҳамкорликни ошириш ва қурол экспортига чекловни олиб ташлашлари муҳим”, деди у.

“НАТО аъзоси бўлган Туркия учун бу муҳим, чунки бу давлат террордан кўп зарар кўрган. Террор ҳужумларидан хавотирда. Шунинг учун бундай ҳужумлардан ўзини ҳимоя қилиш ҳуқуқига эга”.

Столтенберг Швеция ва Финляндиянинг НАТОга аъзолик аризалари ратификация жараёни узоқ вақт талаб қилишини “нормал ҳолат”, деб атади.

Унинг таъкидлашича, 30 аъзо давлатдан 28 таси аллақачон ратификацияни амалга оширган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!