Столтенберг: Финландия ва Швеция бир йилга етмай, НАТОга киради
“Шимолий Македониянинг 2020 йилда НАТОга кириши билан боғлиқ ратификация жараёни бир йил давом этган эди.
Финландия ва Швеция мисолида айни воқеа тезроқ содир бўлиши мумкин, чунки вазият шуни тақозо қилмоқда”. НАТО Бош котиби Йенс Столтенбергнинг ушбу баёноти матбуот учун хабарномада келтирилган.
Бугун Финландия ва Швеция ташқи ишлар вазирлари ҳамда Шимолий альянсга аъзо 30 давлатнинг доимий вакиллари иштирокида икки янги мамлакатнинг НАТОга қўшилиши бўйича протоколни имзолаш маросими бўлиб ўтди.
Альянсга қўшилгунига қадар эгаллаб турган номзодлик мақоми Финландия ва Швециянинг хавфсизлиги таъминланишини кафолатлайди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
