Стив Уиткофф бошчилигидаги АҚШ делегацияси Ғазога етиб келди

Доналд Трампнинг махсус вакили Ғазода эришилган тинчлик келишувининг биринчи босқичи Исроил томонидан қандай бажарилаётганини ўрганиш мақсадида секторда бўлиб турибди.

"Адмирал Купер, Жаред Кушнер (Трампнинг куёви) ва мен бугун Ғазога ташриф буюриб, Исроил томонидан келишувнинг биринчи босқичи қандай бажарилаётганини текширдик. Хавфсизлик, инсонпарварлик ёрдами ва можарони ҳал этиш чоралари бўйича батафсил маълумот олдик. Ўзгармас садоқат билан тинчликка эришиш мумкинлигини таъкидлаймиз", — деб ёзди Уиткофф Х ижтимоий тармоғида.