Сотиб олинган олмалар қозоғистонликларни қўрқувга солди. Нега? (фото)

Сотиб олинган олмалар қозоғистонликларни қўрқувга солди. Нега? (фото)

Қозоғистоннинг Кокшетау шаҳри аҳолисини супермаркетлардан бирида харид қилинган олмалар ташвишга солди. Харид қилинган олмаларда хитойча иероглифлар битилган. Бу ҳақда Sputnik Қозоғистон хабар қилмоқда.

Хабарда қайд этилишича, кокшетаулик Диляра Тулегенова Кристалл супермаркетида олма сотиб олади.

Мен ҳамиша маҳаллий олмаларни сотиб олишга ҳаракат қиламан. Бу сафар ҳам олманинг Салтанат нави танладим. Жами 4 дона харид қилдик. Дўконда бизга сотувчи хизмат кўрсатиб, олмаларни танлаб берган эди. Биз эътибор қилмасдан олма учун пул тўлаб чиқиб кетдик. Уйга келиб, қизим олмаларни юваётганда уларда ёзилган хитойча иероглифлари кўриб қолди. Биз бу олмаларни емасдан, ташлаб юбордик , - деди у.

Қозоғистон Соғлиқни сақлаш департаментида олмалар ҳақиқатдан ҳам Хитойдан келтирилгани ва улар соғлиқ учун хафвли эмаслигини тушунтиришди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!