Словакия бош вазири Украинанинг урушдаги мағлубиятидан қўрқмоқда

"Агар Украина урушда мағлуб бўлса, биз кейингиси бўламиз", деб ҳисоблайди Словакия Бош вазири.

CNN хабарига кўра, Словакия бош вазири Эдуард Хегер Давосдаги Жаҳон иқтисодий форумида сўзлаган нутқида Украина Россия Федерацияси билан урушда ғалаба қозониши кераклигини, агар Украина мағлуб бўлса, кейинги ўринда Словакия бўлишини айтди.

Словакия бош вазири, шунингдек, ЕИ аъзоларини Россия энергетика ресурсларига ҳаддан ташқари кўп таянганликларида танқид қилди ва етакчиларни Россия билан муносабатларда ўз тамойилларида муросага қилишни бас қилишга чақирди.