Шоҳжаҳон Эргашев яна бир рақибини нокаутга учратди (видео)

Шоҳжаҳон Эргашев яна бир рақибини нокаутга учратди (видео)

Профессионал рингда фаолиятини давом эттираётган Шоҳжаҳон Эргашев Россия пойтахти Москва шаҳрида навбатдаги жангини ўтказди. Бу ҳақда МОҚ матбуот хизмати хабар берди.

Шоҳжаҳон бу сафар угандалик Жума Васвага қарши рингга кўтарилди. Ушбу жангда ўзбекистонлик боксчи ўзининг WBA International камарини ҳимоя қилди.

Жангнинг тўртинчи раундида Эргашевнинг кучли зарбаларидан сўнг рефери баҳсни тўхтатди. Шу тариқа, Шоҳжаҳон нокаут эвазига жангни муддатидан олдин тугатди.

Маълумот учун, Шоҳжаҳон Эргашев профессионал рингда 14 та жанг ўтказган бўлиб, уларнинг барчасида ғалаба қозонган. Жангларнинг 13 тасида эса у рақибларини муддатидан аввал нокаут ва техник нокаут эвазига мағлуб этган.

Васва ҳам профессионал боксда 14 та жанг ўтказиб, уларнинг 10 тасида ғалаба қозонган (4 та нокаут). Учта жангда мағлуб бўлган. Битта баҳсда дуранг қайд этилган.

Manba: gazeta.uz


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!