Шоҳжаҳон Эргашев Шаҳрам Ғиёсовни мағлубиятга учратганини айтди (видео)

Шоҳжаҳон Эргашев Шаҳрам Ғиёсовни мағлубиятга учратганини айтди (видео)

Боксчи Шоҳжаҳон Эргашев «Дарё» интернет-нашри учун эксклюзив интервью берди. Интервьюни журналист Феруз Муҳаммад ташкиллаштирди.

Суҳбат давомида Шоҳжаҳон Эргашев ҳамкасби Шаҳрам Ғиёсов билан ўртасида зиддият йўқлиги, уни ҳурмат қилиши, жанг куни маълум бўлган тақдирда жангга тайёрлиги ҳақида гапирди.

Боксчи Шаҳрам Ғиёсов аввалроқ «Дарё»га берган интервьюсида «300 млн доллар беришса нега урушмаймиз, урушамиз. Бизнинг жангимиз ҳеч қачон аввалдан келишилган бўлмайди. Агар жанг бўлса ҳаққоний жанг бўлади», мазмунидаги фикрларни айтиб ўтган эди.

Шаҳрам дунёда ўзининг ўрнига эга бўлган боксчи, олимпиадада Ўзбекистон байроғини кўтарган. Президентимизнинг қўлидан совға олган, халқимиз эътиборида, ҳурмати бор. Ватанни байроғини елкасига ташлаб АҚШда бокс тушиб юрибди.

У бола билан қандай зиддиятим бўлиши мумкин. Ҳаваскор боксда Шаҳрам Ғиёсовни енганман, аммо унда енгди дегани , 5—6 йил олдин енгди дегани, бугун ҳам уни енгади дегани эмас. Балки енгарман, балки ютқизарман.

Агар дарахт шохини устида бир қуш турган бўлса, у дарахтнинг шохига эмас, ўзининг қанотларига ишониб турибди. Мен ҳам ўзимни кучимга ишониб гапиряпман. Хоҳлаган вақтда уришаман, кимлигининг фарқи йўқ. Аллоҳ куч-қувват бериб, тан-у жоним соғ бўлса бўлди. Бир бошидан ҳаммасини билан уришаман. Одамлар кутяптими шу жангни, хоп куцин, бир куни бўлади. Ҳамма нарсанинг ўз вақти, соати бор.

Балки умуман бирга жанг қилмасмиз. Менга қолса жанг қилмаганимиз маъқул, чунки иккаламизнинг ҳам мақсадимиз битта, яъни Ватан байроғини кўтариш.

Шоҳжаҳон Эргашев, боксчи


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!