Шимолий Кипр қирғоғида содир бўлган кема ҳалокати оқибатида ҳалок бўлганлар сони 14 кишига етди

Шимолий Кипрнинг Кирения қирғоғида чўкиб кетган йўловчи кемасида камида 14 киши ҳалок бўлди.

Бу ҳақда Туркиянинг TRT Haber телеканали хабар бермоқда.

Денгиз кучлари қўмондонлиги қидирув ишлари давомида яна бир бедарак йўқолган шахснинг жасадини топди.

Аввалроқ Шимолий Кипр Бош вазири Унал Устель кема бортида экипаж аъзоларини ҳам қўшиб ҳисоблаганда 267 киши бўлганини эълон қилган эди. Унинг таъкидлашича, чўкиб кетганидан кейин кемадан 239 киши қутқарилган.

Кема қолдиқлари Кирения қирғоғидан 554 метр чуқурликда топилган ва бедарак йўқолган 14 кишини қидириш давом этмоқда.