Шавкат Мирзиёев уч нафар жадидларни орден билан тақдирлади

“Маърифатпарвар жадидчилик ҳаракати намояндаларини  мукофотлаш тўғрисида” Президент Фармони қабул қилинди.

Фармонга мувофиқ, ўзининг маърифатпарварлик фаолияти ва фидокорона хизматлари билан миллий таълим-тарбия тизимини яратиш ҳамда юртимиз истиқлоли, халқимизнинг озодлиги ва эркинлиги, келажак авлодларнинг обод ва фаровон ҳаётини таъминлашга қўшган беқиёс ҳиссасини инобатга олиб, қуйидагилар “Буюк хизматлари учун” ордени билан мукофотланди:

• Абдулла Авлоний (марҳум) – маърифатпарвар адиб, педагог, жамоат арбоби

• Маҳмудхўжа Беҳбудий (марҳум) – Туркистондаги жадидчилик ҳаракатининг асосчиларидан бири, адиб, педагог ва олим

• Мунаввар қори Абдурашидхонов (марҳум) – атоқли маърифатпарвар мураббий, адиб, муҳаррир ва жамоат арбоби.