Шавкат Мирзиёев Қашқадарё вилоятини ривожлантиришнинг 5 та йўналишини белгилаб берди

Президентимиз Шавкат Мирзиёев Қашқадарё вилоятини ривожлантиришнинг 5 та йўналишини белгилаб берди. Булар тадбиркорлик, саноат, аграр ва ижтимоий соҳалар, аҳолини ичимлик суви билан таъминлашдир.

Хусусан, видеоселектор йиғилишида давлатимиз раҳбари бу борадаги лойиҳаларни амалга ошириш орқали юз минглаб иш ўринлари яратиш, янги ишлаб чиқаришларни ўзлаштириш, миллионлаб куб метр сувни тежаш мумкинлигини таъкидлади.

Дарвоқе, сув таъминоти ҳақида: Президент келгуси йилда уни вилоятда 60 фоизга етказиш бўйича топшириқ берди.