Шарф тақиш зарарлими?

Британиядаги Woodford Medical тиббиёт маркази дерматологи ва косметолог, доктор Мерин Паттерсон қишки кийим-кечакнинг ажралмас қисми бўлган шарфни тез-тез ювиб туришни маслаҳат берди, акс ҳолда саломатлигингизга путур етиши мумкин. Бу ҳақда Daily Mail хабар бермоқда.

Шарфнинг тез-тез ювиб турилмаслиги инсон терисидаги тешикчалар битиб қолишига олиб келади, оқибатда юз ва бўйин соҳаларида ҳуснбузарлар пайдо бўлиши мумкин. Синтетик матоли шарфлар ҳолатни янада ёмонлаштиради, инсон терисидан ажралган терлар тез буғланиб кетгани боис пахтали шарфлар афзалроқ.