Шам заводи ёниб кетди

Шам заводи ёниб кетди

Финляндиянинг Сало шаҳрида жойлашган шам заводи ёниб кетди. Ёнғин туфайли шаҳар аҳолиси хавфсиз жойларга кўчирилиши ҳақида эълон қилинди, деб хабар берди Yle давлат телеканали.

Сабаби корхонада 200 тонна парафин бор, олов эса ўзидан заҳарли тутун чиқармоқда.

- Аланга жуда кучли. Ёнғин омбордан ўтиб офис биносига етиб борди... Омбор Рождествони кутиб олиш учун шамлар билан тўлдирилган эди. Парафинни совитиш учун сувдан фойдаланиб бўлмайди. Оловни ўчиришнинг ягона йўли уни жойида ушлаб туришдир, лекин бу бундай майдонга тўғри келмайди, - деди ўт ўчирувчи Мика Контио Йилки.

Шам заводи ўз ичига офислар, ишлаб чиқариш ва сақлаш иншоотларини қамраб олган ҳамда умумий майдони 10 минг квадрат метрга тенг. Воқеа жойида 30 та ўт ўчириш гуруҳи ишламоқда. Ҳодиса сабаби ҳозирча маълум эмас.

Manba: xs.uz


Фикр билдириш учун қайдномадан ўтишингиз сўралади, ва телефон ракамни тасдиклаш керак булади!